vesti24.mk
ВЕСТИ

За Шахпаска поважно е дали недела ќе биде неработен ден отколку високата бројка на заразени во градинките

ECA

Бројот на новозаразени од КОВИД-19 во државата од ден на ден се повеќе расте. Но, се појасно е дека на властите тоа не им е важно. Доказ за тоа е и информацијата од Министерството за труд и социјална политика дека од отварањето на градинките до вчера има 300 вработени и 47 деца кои биле позитивни на вирусот. Во информација стои дека на 16 ноември односно за 24 часа, 13 вработени биле позитивни на вирусот.

По ваквата информација се појави и прашањето дали министерката за труд и социјална политика Јагода Шахпаска води грижа за оваа бројка која е навистина висока?

По ваквата информација и кај родителите се појавија многу прашања со целата ова ситуација односно колку нивните деца се безбедни во градинките.

-Бројката од 300 заразени на вработени во градинките и 47 деца е навистина алармантна. Како јас како родител на тригодишно дете да бидам сигурен дека моето дете е заштитено, кога секојдневно слушаме дека има заразени во градинките. Зошто надлежните не направија скрининг на сите вработени и на деца кои одат во градинка за да не дојде до толку голема бројка, ни раскажа родител на кој дете му оди во градинка.

Само вчера 8 негователки во Тетово беа позитивни на коронавирусот, а 7 деца беа во домашна изолација како резултат на сомневања за ширење на вирусот.

Од големиот број на заразени, имаме и вработени кои резултираат позитивни. Имаме 8 негувателки во сите објекти, но во споредба со бројот на вработени и оние кои се позитивни, излегува мал. Тие се мала бројка за да ја попречуват работа во градинките“, рече Рамије Даути, директорка на градинката „Риниа“ во Тетово.

За ова информацијата од МТСП поточно колку изнесува бројката на заразени по градинките ширум Македонија реагираше и ВМРО-ДПМНЕ каде велат дека министерката Шахпаска наместо да ја замајува јавноста со епски долги приказни за тоа дали недела да биде работен или неработен дена да се фокусира на голема бројка на заразени во градинките.

-Државата е во колапс. Во градинките има над 300 вработени заразени и 47 деца од корона, а министерката Шахпаска ја замајува јавноста со епски долги разговори за тоа дали недела ќе бил работен или неработен ден. Тоа е дефокус од вистинските теми важни за граѓаните, се вели во соопштението на ВМРО-ДПМНЕ.

извор:курир.мк

Loading...

Related posts