vesti24.mk
ЗАБАВА

Кабарето „Крејзи хорс“ повторно отворено

ECA

По 18 месеци неработење поради пандемијата на коронавирус, познатото париско кабаре „Лудиот коњ“ (Crazy Horse), кое ја истакнува женственоста од 1951 година, ќе биде повторно отворено в четврток, соопшти раководителот Филип Лом.

Бројот на посетители ќе биде ограничен на 220, наместо досегашните 240 гости. Кабарето ќе биде отворено со претставата „Целосно лудо“ на кореографот Филип Деклуфе.

Кабарето постои од 1951 година  било отворено од Французинот Ален Бернардин, кој сакал да го претстави стриптизот на американски начин, но како мешавина на еротика и софистицирана естетика. Театарот „Крејзи хорс“, сместен во раскошен кварт во Париз, близу авенијата „Шанзелизе“, беше инспирација за дизајнерите на висока мода како Пако Рабан или Пјер Карден, бидејќи го претставува женското тело како идеал на театарската сцена.

Танчерките се избираат по строги критериуми. Тие мора да знаат како да танцуваат, да бидат високи меѓу 1,66 и 1,72 метри и да имаат рамен стомак, развиени колкови и мали гради. (МИА)

извор:курир.мк

Loading...

Related posts