vesti24.mk
ЗАБАВА

Се огласи Берни Сандерс за мемињата кои го преплавија интернетот (Видео)

ECA

Ако се прашувавте дали американскиот сенатор Берни Сандерс ги видел мемињата инспирирани од неговата поза на седење во текот на инаугурацијата на Џо Бајден, одговорот е потврден.

Гостувајќи во Late Night со Сет Мејерс, Сандерс ја објасни приказната зад фотографијата која стана хит на социјалните мрежи.

„Само седев и се обидував да се стоплам“, вели Сандерс за фотографијата на која седи со скрстени раце, облечен во дебела јакна и плетени ракавици.

Американскиот сенатор гласно се насмеа кога водителот му покажа неколку мемиња меѓу кои и она на кое седи покрај актерките од „Sex and the City“. Тој повторно ја раскажа приказната за волнените ракавици, кои станаа хит на интернет, а кои се подарок од учителката Џен Елис од Вермонт.

Сандерс стана хит на интернет, неговата поза се појави во спотови, НБА натпревари, на риболов со Путин, на последната вечера на Да Винчи, во „Star Wars“, „The Lord of the Rings“, „Star Trek“, дури и во ММА рингот.

извор:курир.мк

Loading...

Related posts