Како да го сочувате бронзениот тен и после годишниот одмор

15
Бронзениот тен е нешто што би сакале да го задржиме во текот на целата година. За да го задржиме што подолго, најважно е да се направи пред сончање темелен пилинг на кожата.

Еве неколку совети кои ќе ви помогнат да ја добиете и задржите совршената боја на кожата и по летниот одмор.

Направете темелен пилинг на кожата

Со оглед на тоа дека бројот на мртвите клетки на кожата брзо се формираат во текот на летото, пилингот на кожата ќе даде најдобри резултати. Со помош на антицелулитниот пилинг кој со отстранување на мртвите клетки од кожата истовремено и го стимулира процесот на согорување на мастите, ќе решите два проблеми со еден удар.

Зголемување на хидратација по сончањето

Спречете го ефектот на сушење на кожата предизвикан од УВ зраците на тој начин што на чиста кожа ќе втриете навлажнувачки лосион или млеко за тело, а потоа покријте го телото со влажна, топла крпа (држете ја пет минути). Топлината ги активира состојките на лосионот или млекото кои ќе и обезбедат на кожата оптимална хидратација и мекост.

Совршена нега по сончање

На кожата по сончањето и треба совршена нега и хидратација. Обидете се да го регенерирате телото со крема за тело која ја обновува и длабоко ја хидрира кожата за 24 часа (најдобри се оние кои содржат алое вера и што повеќе витамини).

Задржете го „лажниот” тен

Доколку користите средства за самопотемнување, пилингот на тело направете го пред да ги нанесете, а потоа заборавете на него. Заборавете и на кремите кои содржат ретинол и AHA киселини. Овие супстанции го отстрануваат површинскиот слој на кожата, а со тоа и бојата.

извор: макмода

Loading...