vesti24.mk
ЗАБАВА

Pasta alla genovese: Рецепт за тестенини со меко говедско кое се топи во устата

Pesto alla genovese е вкусен сос направен од босилек, борови ореви, тврдо сирење, маслиново масло и лук. Од друга страна, тестенините ала џеновезе се традиционално јадење на северот на Италија кое вклучува сервирање тестенини во сочен сос на база на говедско месо и кромид.

Со мноштво кромид, ѕвездата на оваа тестенина е поевтино парче говедско месо кое се претвора во најмеко месо со продолжена термичка обработка на пониски температури.

Состојки:

1 кг кромид
500 гр говедски врат исечен на коцки
100 гр сланина
100 мл бело вино
1 мал морков
1 мало стебленце целер
1 лажица доматен концентрат
1-2 чешниња лук
Ловоров лист
сол и бибер по желба
рендан пармезан или пекорино по желба
свеж магдонос за сервирање

Подготовка:

1. Сланината се сече на помали парчиња и се пржи во тенџере на умерена температура.

2. Од страна се вадат крцкавите парчиња, а на останатата маснотија се мешаат јунешките коцки додека не добијат златно-кафеава боја од сите страни. Ќе ви требаат околу 10 минути. Додадете сол и бибер по желба.

3. Извадете го месото и оставете го на страна. Во истото тенџере пржете една третина од исечканиот кромид, морковот и целерот додека да омекнат. Ќе ви бидат потребни околу пет до десет минути за да го направите ова.

4. Се промешува сечканиот лук и се динста околу една минута.

5. Додадете концентрат од домати и добро измешајте со другиот зеленчук.

6. Тенџерето одглазирајте го со бело вино.

7. Вратете го говедското месо во тенџерето заедно со остатокот од сечканиот кромид. Поклопете го тенџерето и сè заедно гответе така на умерена температура околу половина час.

8. По половина час отворете го тенџерето и проверете ја ситуацијата. Кромидот дотогаш треба да ослободи многу течност.

9. Ставете го ловоровиот лист, малку намалете ја температурата и сè заедно варете околу два до три часа, повремено мешајќи на секои 15 до 30 минути додека месото не почне да се „распаѓа“ на допир.

10. Се служи топло со тестенини по желба, рендано тврдо сирење и свеж магдонос. Добар апетит!

извор:курир.мк

Related posts