Ставридис: Македонија треба да биде следна држава во НАТО

431

Поранешниот командант на Северноатлантската алијанса, генералот Џејмс Ставридис, во изјава за Гласот на Америка истакна дека Македонија е следна држава која треба да се приклучи кон НАТО.

– Се надевам дека Грција ќе биде во можност да работи со Македонија во решавање на спорот со името, со што ќе се отвори врата за Македонија да влезе во НАТО. Мислам дека Македонија е следна држава која ќе се приклучи кон Алијансата, изјави генерал Ставридис.

Тоа, спроед него, би бил следен чекор кон обединување и зацврстување на Балканот.

Гласот на Аметика потсетува дека и потпретседателот на САД Мајк Пенс, во име на претседателот Доналд Трамп, на почетокот на месецов, во телефонски разговор со премиерот Зоран Заев, ја истакна поддршката на САД за евроатлантската интеграција на Македонија.

– Пенс истакна дека САД и натаму ја поддржуваат евроатлантската аспирација кон Македонија, и го охрабри Заев да им даде приоритет на реформите, кои ќе го забрзаат нејзиниот пат во тој правец, соопшти тогаш Белата куќа.

Генералниот секретар на НАТО Јенс Столтенберг, по изборот на новата Влада, порача државата да ги спроведе потребните реформи, вклучувајќи владеење на правото, со цел да го забрза нејзиниот пат кон евроатлантската интеграција.

– Како што Скопје ќе напредува, НАТО ќе продолжи да обезбедува поддршка, преку нејзината канцеларија во главниот град, рече Столтенберг.

извор:А1он

Loading...