УМС на ВМРО-ДПМНЕ: Заев и соросоидите започнаа со јадење на живи луѓе

314
1

„Спрегата помеѓу СДС/Сорос го погреба невладиниот сектор во Република Македонија. Заев и соросоидите како што беше и ветено започнаа со јадење на живи луѓе. Први на мени им се сите оние излажан и изманипулирани граѓани кои веруваа дека соросовите одработувачи за Заев се вистински и искрени претставници на граѓанскиот сектор и граѓанските интереси.

Таканаречените невладини организации на Сорос кои се под директна контрола на СДС си го покажаа уште еднаш и дефинитивно своето вистинско лице. Тие никогаш не беа никаков невладин сектор, туку само слуги на политичките интереси на спрегата помеѓу СДС/Сорос.

СДС и Сорос функционираат одлично и тоа не само кога треба да се уништуваат споменици, напаѓаат објекти и палат и ограбуваат канцеларии на Претседателот на Републиката, туку функционираат и одлично и кога треба да се валоризира потрошениот труд за насилното уривање на власта.

Поранешните невладини, а сега владини советници и чиновници докажаа дека нивната цел никогаш не била да се биде граѓански коректив на власта, туку само да се доберат до фотелји и до позиции. Нивните принципи никогаш не биле одбрана на државата и нејзините интереси, туку личниот бенефит и личниот профит.

Токму затоа во владата на Заев веќе се вработени десетици т.н. граѓански активисти кои цело време, изминативе години одработуваа за интересите на СДС, лажејќи ги граѓаните на Република Македонија дека застапуваат некаков граѓански интерес.

Сорос влезе длабоко во владата на Заев и СДС и докажаа дека битката никогаш не била за слобода, демократија и правда, туку за доаѓање на власт со лаги, интриги и манипулации.

Прочитани се и добро запаметени од сите граѓани овие профитери и одработувачи како што се: Зоран Бојаровски, Бојан Маричиќ, Дане Талески, Марјан Забрчанец, Петрит Сарачини, Никола Наумовски, Петар Арсовски, Ѓунер Исмаил, Бранимир Јовановиќ, Грчев и многу други сеачи на магла кои ги гледаме изминатиов период.

Граѓаните нема да дозволат веќе никогаш да бидат манипулирани од вакви профитери и нема да дозволат никој да се претставува веќе во нивно име, а позадински да одработува за политичките интереси на аболициран криминалец кој по секоја цена сака да ја запоседне власта“, изјави Димче Арсовски, Потпретседател на УМС на ВМРО-ДПМНЕ.

извор:А1он