ВМРО-ДПМНЕ: Таравари и неговиот тим да си поднесат оставка

170

ВМРО-ДПМНЕ го повикува министерот за здравство Арбен Таравари да си поднесе оставка, бидејќи се уште нема точна дијагноза од што починале двете лица од Симница и не се знае дали е набавен потребниот реагенс и која е вирусната болест што се шири низ Гостиварско.

– Граѓаните додека се во хаоси и паника, службите на Министерството спијат. Катастрофално е министерот и премиерот да немаат обезбедено реагенси за констатирање на дијагноза. Страшно е 5 дена да немаат никаков интерес да санираат една појава на тешка болест, воопшто да не се замараат за здравјето на луѓето од Симница и Гостиварско, и наместо да покажат грижа да се обидат да го сокријат настанот, рече Дафина Стојаноска од ВМРО-ДПМНЕ на денешната прес-конференција.

Нагласи дека министерот Таравари дава паушални изјави од Америка додека во Гостиварско умират луѓе и сите се во страв и паника, исплашени за своите животи и животите на своите деца.

– Гостивар е загрозен опасно, ситуацијата е алармантна, а Таравари си прави екскурзии во Америка. Цел Гостивар е во паника, жителите на Симница се вознемирени и смртно исплашени, вработените во инфективната клиника во Скопје се во паника, и во право се. Заради неспосветеноста на Таравари се создаде хаос и неизвесност која ги загрози и ги загрозува граѓаните на Македонија. Најмалку што може да направи во моментов Таравари е да си поднесе оставка заедно со целиот тим, потенцира Стојаноска.

извор:А1он

Loading...