vesti24.mk
ВЕСТИ

Заев со автоцензура, Борисов со гордост: Како двата лидери го честитаа денешниот ден

ECA

Забележлива разлика во начинот на кој „добрите соседи“ Зоран Заев и Бојко Борисов го честитаа денот на сесловенските просветители Св. Кирил и Методиј.

Екс-премиерот Заев во кратката фејсбук честитка никаде не ја спомнува Македонија како територија од која потекнуваат светите браќа. Во честитката која ја испрати преку медиумите Заев во еден дел го спомнува и Св. Климент Охридски како автор на кирилицата, но во фејсбук честитката овој дел е отстранет. Јавноста се прашува дали екс-премиерот се самоцензурира или му пристигнала некаква реакција од истокот во „духот на добрососедството“?

За разлика од него, премиерот на Бугарија Бојко Борисов упати честитка во која пишува дека денот на Св. Кирил и Методиј предизвикува национална гордост во Бугарија, едновремено поздравувајќи ги бугарските учители кои биле следбеници на нивното дело.

Борисов пишува:

„Честит Ден на бугарската просвета и култура и на словенската писменост. Со чувство на НАЦИОНАЛНА ГОРДОСТ се поклонуваме пред делото на светите браќа Кирил и Методиј, благодарение на кое денес се изразуваме слободно на мајчиниот јазик и го сочувавме нашиот духовен идентитет како народ и држава. Со длабока почит и благодарност им се обраќам на сите оние кои, како достојни следбеници на нив, продолжуваат да работат вредно за развој на образованието и културата во Бугарија.“

извор:курир.мк

Loading...

Related posts