vesti24.mk
ЗДРАВЈЕ

Најдобри утрински грицки (доколку сакате да ослабнете)

ECA
Времето помеѓу појадокот и ручекот ни изгледа долго особено кога сме на работното место. Во случај на глад, нутриционистите советуваат дека најдобро е да посегнете по утринските грицки, доколку сакате да загубите килограми. Кои грицки нема да не здебелат, ќе не заситат и ќе ни помогнат во борбата со вишокот на килограми?

Парче сирење со една јаболка

30-на грама немасно сирење исечкајте го на мали парчиња и додадете исечкана јаболка. И двете намирници се богати со влакна и ќе ве заситат.

Чаша јогурт со јаготки

Јогуртот е одличен извор на протеини и ќе ви даде енергија полесно да го издржите работниот ден. Во немасниот јогурт додадете шака сечкани свежи јаготки.

2 варени јајца и еден портокал

Јајцата се нискокалорични и одличен извор на протеини. Сварете две јајца и комбинирајте ги со портокал за да го зголемите внесот на протеини и влакна.

Интегрални крекери со путер од кикиртики

Во големата понуда во супермарктите лесно ќе најдете нискокалорични, интегрални крекери. З меѓуоброк неколку од нив комбинирајте ги со путер од кикиритки кој содржи многу протеини, а не содржи шеќери.

Шака фастаци

Бадемите се подеднакво одлични за топење на масните наслаги, но за меѓуоброк на работното место подобро е да се одлучите за шака фастаци. Имаат слични нутритивни вредности како и бадемот, но овие, поради лупењето, подолго ќе ги јадете.

извор: макмода

 

Loading...

Related posts